Skuadra e Estudiantes fitoi Kupën e Ligës së Argjentinës të dielën, duke mundur Velezin me penallti, por festa përfundoi në mënyrën më të keqe për një nga lojtarët titullarë në atë ndeshje.

Bëhet fjalë për mesfushorin 23-vjeçar, Tiago Palasios, i cili pësoi një aksident të rëndë automobilistik në orët e para të mëngjesit kur po kthehej nga festa, teksa makina e tij u përplas me një karburant në periferi të Buenos Aires.

¡CHOCÓ TIAGO PALACIOS! Horas después de consagrarse campeón con Estudiantes, el jugador tuvo un accidente al impactar contra un surtidor. Salió ileso, pero una empleada tuvo que ser asistida por lesiones leves. pic.twitter.com/bd7Aj7XOzI

— SportsCenter (@SC_ESPN) May 6, 2024

Lojtari uruguaian, i cili luajti 75 minuta në finalen ndaj Velez, iu nënshtrua një testi alkooli në vend, i cili zbuloi një nivel të alkoolit në gjak prej 1.84 g/l, kjo në një provincë që ka pasur një ‘politikë’ të rreptë kundër alkoolit që nga viti i kaluar.

Pas aksidentit, Palasios shpëtoi i padëmtuar, ndryshe nga një grua, punonjëse në atë zonë, e cila pësoi lëndime të lehta.