Edi Rama ka zbuluar mbrëmjen e sotme se qeveria e tij do të blejë 6 dronë nga Turqia.

Rama sot ka dhënë detaje nga takimi i fundit me Erdogan duke thënë se Shqipëria është drejt marrëveshjes për të marrë 6 dron nga Turqia.

Rama: Ne kemi biseduar për domosdoshmërinë e dronëve dhe jemi në përfundim të marrëveshjes për të marrë edhe ne drone bajraktar, dron të armatosur.

Pyetje: Do ti paguajë Shqipëria këto?

Rama: Po, patjetër

Pyetje: Janë të shtrenjtë?

Rama: Janë me çmim të arsyeshëm

Pyetje: Sa dron do të marrë?

Rama: Janë me pako, do të marrim 6 dron të armatosur dhe do të shërbejnë për qëllime civile, për kontrollet në territor, për ndërtime pa leje, për pyjet, për ndjekjen e personave në kërkim, për kultivimin e drogës etj.

Gjatë intervistës Rama dha detaje për koston që kanë dronët e armatosur 'Bayraktar TB2', por theksoi se Shqipëria do t'i marrë me çmim të arsyeshëm.

Këta lloj dronësh janë përdorur edhe nga forcat ukrainase në luftën ndaj Rusisë.