Një 28 vjeçar është arrestuar nga policia në Kavajë pasi vendoste baste sportive me telefon.

Sipas njoftimit të policisë thuhet se shtetasi T. X., 28 vjeç, banues në Luz, u kap duke vendosur baste sportive, nëpërmjet aparatit celular.

Njoftimi i policisë/ Kavajë

Goditet nga Komisariati i Policisë Kavajë, një rast i veprimtarisë së paligjshme të lojërave të fatit, në kuadër të operacionit policor të koduar "Fati i lojërave".

Vihet në pranga 1 shtetas që vinte baste sportive, nëpërmjet aparatit celular.

Sekuestrohet aparati celular.  

Shërbimet e Komisariatit të Policisë Kavajë, në vijim të punës për goditjen e paligjshmërisë në fushën e lojërave të fatit, në kuadër të operacionit të koduar "Fati i lojërave", kanë organizuar kontrolle në lokale dhe në ambiente të ndryshme, të cilat mund të vihen në dispozicion për organizimin e lotarive të palejuara. Si rezultat i kontrolleve është evidentuar dhe goditur 1 rast i kësaj veprimtarie.   

Në vijim të veprimeve u arrestua në flagrancë shtetasi:

T. X., 28 vjeç, banues në Luz, pasi u kap duke vendosur baste sportive, nëpërmjet aparatit celular, i cili u sekuestrua nga Policia, në cilësinë e provës materiale.

Materialet procedurale i kaluan Prokurorisë, për veprime të mëtejshme.

#angazhimpërkushtimsakrificë👮️🚔

#tëvendosurkundërkrimit✅

#nëçdoskajtëvendit🇦🇱

#nëshërbimtëqytetarëve👮️🤝🙍️