Lëvizja Socialiste për Integrim dënon ashpër papërgjegjshmërinë e qeverisë për trajtimin që ajo po i bën këtij sezoni turistik.
Duke marrë shkas nga ngjarjet e fundit me prishjen e banesave pa leje në Dhërmi, kryetari i grupit parlamentar të LSI-së, Petrit Vasili shprehet se me punimet e nisura po u krijohet një kaos dhe vështirësi pa fund mijëra qytetarëve që shkojnë me pushime në zonën përgjatë rrugës Vlorë-Himarë.
Përmes një reagimi në faqen e tij zyrtare në rrjetin social “Facebook”, Vasili i bën apel kryeministrit Edi Rama që të heqë dorë urgjentisht nga dëgjesat “e gallatës” me qytetarët, dhe ti kthehet punës për të qeverisur vendin.
“Ky trajtim i papërgjegjshëm i sezonit turistik është sharlatanizëm qeveritar. Gjithë viti nuk i doli qeverisë dhe e la rrëmujën për tani që t’jua prishë edhe ato pak ditë pushime shqiptarëve”- shkruan ndër të tjera, kreu i grupit parlamentar të LSI-së, Petrit Vasili në reagimin e tij.
Reagimi i plotë i Petrit Vasilit
Në kulmin e sezonit turistik në rrugën Vlorë-Himarë prishen ndërtime pa leje në Dhërmi, hapet rruga për të futur kabllot optike dhe u krijohet kaos dhe vështirësi pa fund mijëra qytetarëve që shkojnë me pushime.
Kryeministri të lerë dëgjesat e gallatës dhe të qeverisë vendin.
Ky trajtim i papërgjegjshëm i sezonit turistik është sharlatanizëm qeveritar.
Gjithë viti nuk i doli qeverisë dhe e la rrëmujën për tani që t’jua prishë edhe ato pak ditë pushime shqiptarëve.
© SYRI.net
Ky nuk eshte burre fare ....la nam ... Votuan per ritjen e ujit dhe genjente si derri , e ka fajin PD. Ik futi ndonje ngjale vetes se e keni zakon ju si LSI !