"Hakerimi i Syri.net, talebanizëm i Ramës, i armikut të betuar të së vërtetës!"
Petrit Vasili, nënkryetari i Partisë së Lirisë, e ka emërtuar si "talebanizëm" nga ana e Kryeministrit Edi Rama, goditjen e faqes së Syri.net në Facebook, e cila ndiqet nga më shumë se 600 mijë ndjekës.
“Hakerimi i faqes në Facebook të Syri.net me mbi 600 mijë ndjekës ka pamundësuar shpërndarjen digjitale të lajmeve në një prej platformave më të mëdha, - shkroi Vasili në Fb. - Talebanizmi i Ramës dhe i tentakulave të tij godet vetëm me një qëllim: pengimin e së vërtetës.
"Rama njeh vetëm gebelsizmin e ERTV dhe çdo media objektive e që thotë të vërtetën, luftohet dhe synohet asgjesimi me çdo mjet i saj. Rama është krimineli i së vërtetës" - përforcoi më tej, deputeti i PL-së për të nënvizuar se "Syri.net dhe Syri TV kanë qënë media që me sakrifica të panumërta i kanë shërbyer së vërtetës që i dhemb kaq shumë Edi Ramës.
Ky akt talebanesk nuk e asgjeson dot të vërtetën, por vetëm nxjerr më në pah fytyrën e Edi Ramës dhe armiqësinë e tij pa shërim me medien e lirë.
Tek gazetarët e Syrit shkon solidariteti i jashtëzakonshëm i qindra mijëra shqiptarëve, që e duan të vërtetën dhe urrejnë propagandën komunisto-rilindase të Edi Ramës”, nënvizoi në përfundim Petrit Vasili, nënkryetar i PL.
© SYRI.net