Deputetja e PD-së Dhurata Çupi ka reaguar në lidhje me raportin e dhimbshëm të Eurostat, i cili ka referuar shifra të dhimbshme për varfërinë në Shqipëri.

‘46 % e popullsisë së Shqipërisë ishte e rriskuar nga varfëria dhe përjashtimi social në vitin 2020’, shkruan Çupi në Facebook.

Postimi i plotë:

Drejt greminës sociale?

Eurostat nxjerr shifrat e dhimbshme për varfërinë në Shqipëri!

46 % e popullsisë së Shqipërisë ishte e rriskuar nga varfëria dhe përjashtimi social në vitin 2020 .

Të ardhurat e një familje janë përcaktues kyç i standardit të saj të jetesës dhe mund t’i pengojnë njerëzit të marrin pjesë plotësisht në aktivitetet shoqërore.

Për të pasqyruar këto dimensione të dhimbshme të varfërisë ose përjashtimit social, treguesi u matën me një nga tre format e mëposhtme të varfërisë ose përjashtimit social:

– Varfëria e të ardhurave;

-Varfëria e rëndë materiale dhe privimi social;

-Niveli shumë i ulët i vendeve të punës

Të dhënat për tre komponentët merren nga Statistikat e BE-së për të ardhurat dhe kushtet e jetesës (EU-SILC).

Për te tre komponentët sëbashku Shqipëria është vlerësuar me gati gjysmën e popullsisë të rrezikuar nga varfëria.

Propaganda ndërkohë pasurohet