Haziri kërkon nga pala shqiptare zbardhjen sa më të shpejtë të vdekjes së 3 kosovarëve në Shqipëri

Haziri kërkon nga pala shqiptare zbardhjen sa më të shpejtë të vdekjes së 3 kosovarëve në Shqipëri

22:41, 08/05/2021
A+ Aa A-

Kryetari i Komunës së Gjilanit, Lutfi Haziri, ka shprehur ngushëllime për vdekjen e tre anëtarëve të familjes Haliti nga kjo komunë në Shqipëri.

Një gjë e tillë është bërë e ditur përmes një postimi në llogarinë zyrtare të Komunës së Gjilanit në ‘Facebook’, teksa i pari i Gjilanit kërkoi nga autoritetet e Shqipërisë ta zbardhin sa më shpejt rastin, shkruan Gazeta Express.

“Me trishtim e mora lajmin për ndarjen nga jeta në mënyrë tragjike të tre anëtarëve të familjes suaj, në Shqipëri, Elfete, Afrim e Ferzinaze Haliti. Kjo tragjedi na ka tronditur të gjithëve dhe apeli im është që të ndriçohet rasti sa më parë nga autoritetet e Republikës së Shqipërisë”, thuhet në njoftim.

Mediumi lokal ‘Mediainfokus’ raporton me burime se dyshimet e para janë që nëna e djali me bashkëshorten, kanë ndërruar jetë si pasojë e helmimit në ushqim.

© SYRI.net

Lexo edhe:

Komentet

Shto koment

Denonco