Pas arrestimit të Kryeplakut të fshatit Rehovë pasi dyshohet se ka kryer marrdhenie seksuale me nje vajzë me probleme të shendetit mendor, ka ardhur edhe reagimi i nënës së vajzës.

Ajo në një prononcim për mediat gjatë ditës së sotme tha se “ishim në arë, çupën e lëmë në shtëpi, erdhi burri e gjeti me djalin të zhveshur në korridor”

Valbona Grozdani, nëna e vajzës që dyshohet se ka rënë viktimë e përdhunimit në fshatin Rehovë, nga kryeplaku i këtij fshati, tha gjithashtu se “edhe vajza më tha që djali e zuri, vajza nuk donte”. Kjo ngjarje ka sjellë arrestimin nga policia të kryeplakut të fshatit, Ervis Rapo, për akuzën e Kryerjes së marrëdhënies seksuale pa dëshirë me persona të pazotë dhe të pambrojtur.

“Ishim në arrë, çupën e lëmë në shtëpi, erdhi burri e gjeti me djalin të zhveshur në korridor. Kishte pirë ai. Vajza nuk ka probleme mendore, është normale, me 2 klasë shkollë. Edhe vajza më tha që djali e zuri, vajza nuk donte. Nuk takoheshin më parë, hyrje dalje kishim si gjithë fshatarët. E gjeti burri dhe iku me vrap, e ndoqi burri që të flisnin të sqaroheshin, ai na shau. S’kemi patur konflikte. Vajza s’është aq mirë se u trondit." , tha nëna e vajzës.