Dy persona kanë mbetur të vdekur nga një aksident i ndodhur orët e vona të mbrëmjes së djeshme në aksin rrugor Vaqarr – Ndroq.

Ata janë Athanas Xhavara 45 vjeç nga Gjirokastra dhe Edison Sefa 22 vjeç nga Tirana.

Xhavara drejtonte makinën tip Toyota me targa AA 757 DZ kurse 22-vjeçari nga Tirana ishte drejtuesi i mjetit tip Benz me targa Tr 1432 U, që u përplasën me njëra-tjetrën.

Paraprakisht dyshohet se shkak i aksidentit është bërë lagështira në rrugë dhe shpejtësia tej normave të lejuara.

Ndërkohë vijojnë hetimet lidhur me rastin.