Kiara Tito është një ndër moderatoret më të spikatura të ekraneve, ajo ka ditur gjithmonë si të jetë në qendër të vëmendjes, moderatoren e kemi parë dhe si blogere pasi është shumë aktive në rrjete sociale duke bashkëpunuar me marka të famshme në ekspozimin e veshjeve të ndryshme që ajo bën.

Së fundmi, në media po qarkullonte lajmi se Kiara ka marrë ftesë nga produksioni i “Big Brother” dhe për këtë moderatorja ka thënë gjatë një intervistë për “T7” se nuk ka marrë ftesë, por në qoftë se do merrte do e mendonte seriozisht, pasi është gjithmonë e hapur për sfida.

Kujtojmë se Kiara sapo mbylli emisionin që ajo moderonte “Style Star” një emision mode ku konkurrentët viheshin përballë njëri-tjetrit duke shpalosur talentin e tyre në modë.