Tre pacientë të moshuar vdiqën dje nga zjarri në një spital austriak pranë Vjenës, njoftuan autoritetet lokale shëndetësore.

Zjarri shpërtheu në një repart në katin e tretë të spitalit Landesklinikum Mödling pranë Vjenës.

“Hetuesit supozojnë se shkak ka qenë një cigare. Ndihma mbërriti shumë vonë për të shpëtuar tre burrat në repart”, tha Matthias Hofer, zëdhënës i agjencisë provinciale të shëndetit (LGA).

Sipas një zëdhënësi të policisë, të dhënat tregojnë se zjarri filloi nga shtrati i një pacienti 75-vjeçar, i cili dihej se ishte duhanpirës. Dështimi teknik si shkak i zjarrit nuk është përcaktuar.

Një burrë dhe dy pacientë të tjerë në repart, të moshës 78 dhe 81 vjeç, humbën jetën. Një grua ka pësuar lëndime të lehta. Fillimisht dyshohej se ishin lënduar lehtë rreth 20 persona.

Shërbimet zjarrfikëse kanë angazhuar 170 zjarrfikës të cilët kanë shuar zjarrin pas rreth dy orësh dhe kanë përfunduar punën.

Rreth 90 pacientë u desh të transferoheshin dhe operacionet në spital u anuluan gjatë ditës. Landesklinikum Mödling ka pothuajse 340 shtretër dhe trajton rreth 34,000 pacientë në baza ambulatore çdo vit.