Prokurori i Përgjithshëm Adriatik Llalla deklaroi sot se hetuesit kanë prova të mjaftueshme lidhur me incidentin që ndodhi në Lezhë, plagosjen e një anëtari të LSI-së.

Llalla e bëri këtë deklaratë nga Shkodra, ku ai zhvilloi një takim me prokuron dhe strukturat e posaçme të ngritura për problemet e procesit zgjedhor.

“Kemi grumbulluar prova të mjaftueshme për ngjarjen e Lezhës. Sa i përket situatës së përgjithshme, pavarësisht ngjarjeve të fundit, është e qetë. E rëndësishme është që qytetarët të votojnë të lirë dhe të ushtrojnë të drejtën e tyre ashtu siç edhe organet ligjzbatuese të jenë në gatishmëri dhe të kenë një sjellje korrekte.”