Partia Socialiste dhe qeveria, disa muaj përpara samitit të NATO në Bruksel ku për herë do të merrte pjesë edhe presidenti i ri i SHBA, nisi një fushatë të fuqishme lobimi në Washington, vetëm për të realizuar një shtrëngim duarsh mes Ramës dhe Trump. U hodhën qindra mijë dollarë për një sukses sado të vogël ditën e djeshme i cili do të shuante kompleksin dhe paranojën e Edi Ramës në lidhje me Trump, pas deklaratave skandaloze që lëshoi ndaj tij gjatë fushatës presidenciale edhe në gjigantin mediatik amerikan CNN.

Por pavarësisht përpëlitjeve qesharake të Ramës në hollet e selisë së re të NATO, për t`ju afruar sado pak që të kishte mundësinë për të prekur dorën ose supin e presidentit të SHBA-së, “skema” dështoi. Dështoi edhe pse ky ishte një Samit teje informal, pikërisht i organizuar më së shumti për prezantimin e presidentit të ri të SHBA, me udhëheqësit e shteteve anëtare të NATO. Megjithatë paratë ishin paguar dhe duheshin justifikuar. Kështu u fut në lojë për opinioni publik shqiptarë një ish-kongresmen republikan, që tani punon për kompanitë e lotimit që ka pajtuar së fundmi qeveria Rama.

Bëhet fjalë për një lajm të shpërndarë nga Matt Gaetzz, i rizgjedhur kongresmen në SHBA dhe që morri pjesë në grupin që vizitoi vendet e Ballkanit këtë muaj, përfshi edhe Tiranën. Natën e qëndrimit në kryeqytetin shqiptarë ai u shkëput nga grupi i kongresmenëve të tjerë dhe u shëtit nëpër lokalet e natës nga Endri Fuga, me të cilin duket se e lidh edhe kompania e lobimit që ka pajtuar Rama në Washington.

Ai e përshëndeti dje “takimin Rama-Trump” dhe menjëherë pas kësaj “tepsia mediatike” e dirigjuar në Tiranë nga Endri Fuga shpërndau plot bujë, lajmin e shumëpritur. Në fakt ishte një “Fake news”.

Pas dekonspirimit të dështimit tw këtij “takimi historik” që nuk u krye kurrë, “mediat e tepsisë” së Ramës, sot kanë nisur një fushatë të parecedentë kundër presidentit të SHBA-së. Në të gjitha mediat e kontrolluara prej tij, që në pikë të mëngjesit kanë shpërthyer lajme për arrogancën e shfaqur nga ana e Trump gjatë takimit të djeshëm në selinë e NATO-, për dhëndrin e tij që po hetohet nga FBI-ja etj etj.

Kjo hakmarrje provincial në këtë cep të Ballkanit, për një dorë që nuk u shtrëngua është edhe më qesharake se vrapi i Ramës në hollet e selisë së NATO-s, për të prekur Trump apo qoftë edhe të kishte fatin të hante ndonjë të shtyrë, siç i ndodhi kryeministrit të Malit të Zi. Të paktën do të përbënte lajm. Por fatkeqësisht, për Shqipërinë në radhë të parë, kryeministri Rama u injorua keq. Madje, edhe nga kancelarja Merkel dhe udhëheqës më modestë të vendeve anëtarë të NATO…

SYRI.net