Në çdo dalje të tij, Jose Mourinho kujdeset jashtëzakonisht shumë për aspektin mediatik dhe atë të rritjes së imazhit, teksa të njëjtën gjë po bën edhe në transfertat e fundit të klubit të Romës.
Kështu disa ditë më parë, teksa udhëtoi në Napoli për ndeshjen ndaj ekipit vendas, zgjodhi të bëjë homazhe në muralin e legjendës argjentinas Diego Armando Maradona, duke fituar simpatinë dhe respektin e tifozëve napolitanë e jo vetëm.
Këtë herë Roma ka mbërritur në Leicester dhe Mourinho nuk ka humbur rastin për të bërë një tjetër gjest që rrit ndjeshëm popullaritetin e tij.
Kështu disa orë para përballjes me “dhelprat”, portugezi ka bërë homazhe në statujën “The boss”, që ndodhet pranë stadiumit dhe është ndërtuar në nderim të ish-presidentit të Leicester, Vichai Srivaddhanaprabha, i cili u nda nga jeta në mënyrë tragjike në 2018-ën, pas një defekti në helikopter.
Menjëherë pas kësaj vizite, klubi i Leicester ka falënderuar portugezin, i cili nga ana tjetër ka marrë komplimentet edhe nga shumë tifozë të “dhelprave” të cilët do t’i ketë kundërshtarë mbrëmjen e sotme.
© SYRI.net
'Sa më shumë më urrejnë, aq më shumë më motivojnë', Haaland flet për kritikat ndaj tij
Tuchel: Bayerni pa trofe është një zhgënjim, por ika me kokën lart pas 15 muajsh
Bayer Leverkusen-Atalanta/ Sot finalja e Europa League, një shqiptar do ngrejë trofeunBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
