Ish-trajneri i Bayern Munich, Thomas Tuchel, që prej së dielës nuk është më në detyrë, iu rikthye edhe një herë sezonit që sapo u mbyll.
Skuadra bavareze nuk fitoi asnjë trofe këtë sezon, çka solli edhe largimin e tij.
“Nëse do të më duhej ta analizoja sezonin me një fjali, padyshim mund të them se një sezon pa tituj me Bayernin nuk është i kënaqshëm. Natyrisht ka pasur edhe një performancë zhgënjyese në Kupën e Gjermanisë dhe ne marrim përgjegjësinë e plotë për këtë”, tha Tuchel.
“Ne patëm gjithashtu një problem të madh me dëmtimet gjatë gjithë sezonit. Duke pasur parasysh rrethanat që kishim, grumbullimi i pikëve është në rregull, por diferencën e bëri Leverkusen, që nuk humbi asnjë ndeshje, çka i ndihmoi”, u shpreh Tuchel.
“Për sa i përket sezonit në Champions League, ai ishte perfekt deri në minutën e 87-të në Madrid. Gjithsesi, ne kurrë nuk do të shmangim përgjegjësitë tona, por ne kemi të drejtë të dalim nga këta 15 muaj me kokën lart”, tha Thomas Tuchel.
Në fund, Tuchel sqaroi: “Arti i madh i të qenit trajner është të çlirosh veten nga gjykimi. Nuk ka të bëjë me egon, ka të bëjë me kryerjen e punës çdo ditë me ambicie, por edhe me lehtësi. Besoj se gjithmonë lëmë gjurmët tona. Kjo ka ndodhur edhe këtu në mënyrë shumë kolegjiale. Kjo vlen më shumë se gjykimi i jashtëm”.
© SYRI.net
Itali-Shqipëri/ Myllet pjesa e parë, rezultati dhe statistikat 
Goooollllllll! Shqipëria ndëshkon Italinë pas 24 sekondash lojë
VIDEO/ Atmosferë elektrizuese para sfidës me Italinë, 'Signal Idua Park' ngjyroset kuqeziBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
