Mijëra tifozë polakë ishin të pranishëm gjatë ndeshjes së kombëtares së tyre në Tiranë, ndeshje e humbur me rezultatin 2-0.
Por teksa shanset për kualifikimin e tyre po zvogëlohen ndjeshëm, tifozët polakë në fund të ndeshjes kërkuan që kapiteni Robert Lewandowski të ishte para tyre.
“Ku është kapiteni, ku dreqin është kapiteni,” dëgjoheshin koret e tyre.
Megjithatë, kapiteni nuk denjoi të shkonte pranë tyre.
Sipas portalit polak Gol24, Lewandowski bëri një lojë shumë të dobët. Praktikisht ai nuk e rrezikoi asnjëherë portën e shqiptarëve.
Pas ndeshjes, ai foli për gazetarët duke thënë se ndjen përgjegjësi për këtë dështim.
Ai tha se skuadrës i mungoi personaliteti, duke shtuar se nuk donte të ofendonte askënd kur refuzoi të shkonte pranë tifozëve.
© SYRI.net
Bëje LIKE dhe merr lajmin e fundit nga Sporti: