Gjatë orëve të fundit ka patur një takim në Londër mes José Mourinhos dhe presidentit të Al-Ahli, Waleed Muath në hotelin “Chelsea Harbour”.

Klubi saudit ka bërë një tjetër tentativë për të bindur “Special One” që të marrë drejtimin e skuadrës, por përgjigja e portugezit ka qenë sërish negative.

Mourinho ka vlerësuar ofertën e bërë, por u ka shpjeguar drejtuesve të Al-Ahli, që e sheh të ardhmen e tij, të paktën edhe për vitin e ardhshëm, në krye të pankinës së Romës.