Nuk mjaftojnë 90 minuta lojë për të zgjedhur fituesin në gjysmëfinalen e Ligës së Kombeve.

Holanda dhe Kroacia barazuan 2-2 dhe gjithçka shkon në kohën shtesë, shkruan SYRI.net.

Pjesa e parë u mbyll me avantazhin e tulipanëve, falë golit të shënuar nga Malen në minutën e 34’.

Në pjesën e dytë, kroatët arritën të përmbysnin rezultatin, pas golave të shënuar nga Kramaric (penallti, 55) dhe Pasalic në minutën e 72’.

Mirëpo, kur dukej se gjithçka kishte mbaruar dhe pritej vetëm vërshëllima e fundit e gjyqtarit, Holanda arriti të barazojë rezultatin me golin e Lang në minutën e 90+6.