Victor Osimhen pritet të jetë njeri nga futbollistët në qendër të vëmendjes gjatë merkaton së verës.
Nigeriani ka qenë një nga lojtarët më të spikatur në Serie A këtë sezon, duke shënuar 21 gola në 26 ndeshje për të ndihmuar Napolin që thuajse e ka siguruar titullin e kampionit.
Osimhen besohet se do të largohet gjatë verës për një çmim mbi 100 milionë euro.
Për të kanë shprehur interesim shumë klube të mëdha evropiane, por raportohet se Paris Saint-Germaini dhe Bayern Munchen janë më të “etur” për të nënshkruar me të.
Sipas “Calciomercato”, 24-vjeçari është tunduar më shumë nga interesimi i “Bavarezëve” dhe preferon që t’iu bashkohet atyre.
Në Francë është raportuar së fundmi se agjenti i Osimhen tashmë ka rënë dakord për kushtet personale me PSG-në, por jo edhe lojtari.
Kësisoj, futbollisti i përfaqësueses së Nigerisë, që ka kontratë të vlefshme me Napolin deri në verën e vitit 2025, me shumë gjasa do të jetë pjesë e Bayernit nga sezoni i ardhshëm.
© SYRI.net
Bëje LIKE dhe merr lajmin e fundit nga Sporti: