Periudha e fundit nuk ka qenë aspak e qetë për Bayern Munchen.
Vendimi i drejtuesve për të shkarkuar Nagelsmann dhe për t’i besuar stolin Tuchel, deri tani nuk ka dhënë efektin që pritej.
Bavarezët u eliminuan nga Champions League dhe Kupa e Gjermanisë, ndërkohë që po garojnë me Dortmundin për titullin kampion.
Bayerni fitoi 2-0 ndaj Hertha Berlin dhe parakaloi në renditje verdhezinjtë.
Leon Goretzka foli pas ndeshjes për shtypin gjerman, duke pranuar momentin e vështirë psikologjik në skuadër.
“Në përgjithësi është krijuar një zhurmë e madhe rreth Bayernit. Lojtarët po shkatërrohen në media. Kjo situatë nuk na ndihmon aspak”, tha mesfushori i bavarezëve.
Nuk mungon një thirrje për shokët: “Duhet të durojmë gjithë këtë situatë. Sigurisht që nuk është e bukur. Por, është e drejtë apo jo, ne duhet ta pranojmë këtë që po ndodh”, deklaroi Goretzka.
© SYRI.net
Bëje LIKE dhe merr lajmin e fundit nga Sporti: