Kastrioti ka arritur një fitore mjaft të rëndësishme në një finale mbijetese përballë Kukësit në sfidën e vlefshme për javën e 30-të të Superiores.
Ishin verilindorët ata të cilët e nisën me ritëm të lartë takimin, duke u ndalur dy herë nga shtylla në pak minuta.
Në minutën e 26-të ishte Santiago Selmani i cili me rastin e parë për krutanët i kaloi në avantazh.
Verilindorët provuan sërish për të mos dalë pa pikë nga ky takim, por skuadra e Çelës arriti ta menaxhonte mirë rezultatin.
Me këto tre pikë Kastrioti vazhdon të jetë në vendin e fundit (31 pikë), por vazhdon të shpresojë te mbijetesa, ndërsa Kukësi vazhdon të qëndrojë në zonën e ftohtë në vendin e 8-të (36 pikë).
© SYRI.net
Bëje LIKE dhe merr lajmin e fundit nga Sporti: