Trajneri i famshëm italian i futbollit Alberto Zaccheroni ka pësuar një aksident të rëndë në shtëpinë e tij, pas së cilës është transportuar në repartin e terapisë intensive.
Zaccheroni, 69 vjeç, i cili gjatë karrierës së tij drejtoi gjigantë të shumtë italianë si Milan, Juventus, Inter dhe Lazio, ishte në shtëpinë e tij në Cesenatica kur u rrëzua dhe u dëmtua rëndë.
Eksperti me përvojë, siç raporton Corriere Romagna, rrëshqiti dhe goditi kokën në dysheme, duke humbur ndjenjat. Ekipi i ambulancës u përgjigj menjëherë dhe e dërgoi atë në spitalin Maurizio Bufalini në Cesena.
Ai është vendosur në reanimacion dhe po lufton për jetën. Ai u diagnostikua me një tronditje dhe një dëmtim të rëndë në kokë, pas së cilës ende nuk e ka rifituar vetëdijen, sipas “Gazzetta dello Sport”.
#Zaccheroni #AlbertoZaccheroni #SkySport https://t.co/asnjAlHF9R
— skysport (@SkySport) February 10, 2023
Karriera e trajnerit Zaccheroni zgjati nga viti 1983 deri në vitin 2019. Ka qenë kampion i Italisë në vitin 1999 me Milanin në brezin e famshëm. Me Japoninë doli kampion i Azisë.
Ai do të mbahet mend për faktin se ka drejtuar tre klubet më të mëdha italiane (Milanin, Interin dhe Juventusin), si dhe ka punuar te Lacio, Torino, Udinese, Bolonja dhe shumë klube e kombëtare.
© SYRI.net
Bëje LIKE dhe merr lajmin e fundit nga Sporti: