Goli i Marcus Rashford i dhuroi Manchester United tri pikë të arta në fushën e Wolves.
“Djajtë e Kuq” triumfuan 0-1, siguruan suksesin e tretë radhazi në kampionatin anglez dhe për momentin renditen në vendin e katërt me 32 pikë.
Pjesa e parë prodhoi pak emocione. Alejandro Garnacho, talenti 18-vjeçar nga Argjentina, iu afrua golit për United.
Erik ten Hag aktivizoi Rashford në pjesën e dytë, zëvendësim që dha efekt.
25-vjeçari shënoi një gol shumë të bukur 14 minuta përpara fundit, duke çarë mbrojtjen e ngjeshur të “Ujqve”.
Ky ishte goli i gjashtë sezonal në Premier League për sulmuesin e United.
Rashford shënoi sërish (84’), por VAR-i e anuloi për prekje me dorë.
Wolves mori zemër dhe iu afrua barazimit në minutat shtesë, por De Gea kreu një pritje të bukur dhe ruajti portën e paprekur.
© SYRI.net
Bëje LIKE dhe merr lajmin e fundit nga Sporti: