Kristjan Asllani po kalon momente të vështira pas ndeshjes me Barcelonën. Humbja e atij rasti në fundin e ndeshjes po i kushton rëndë sa i përket presionit mediatik.
Mirëpo, Fabricio Biasin hedh idenë se ekziston vetëm një mënyrë për të zbuluar karakterin e vërtetë të Asllanit dhe ajo është aktivizimi i tij si titullar kundër Salernitanës. Sipas gazetarit italian, kështu mund të kuptohet se sa i aftë është psikologjikisht lojtari 20-vjeçar për të përballuar presionin që është i pashmangshëm në një klub të madh si Interi.
“Ka vetëm një mënyrë për të parë nga se është krijuar Asllani (i cili, oh, humbi një gol. Ndodh …): ta vendosi në fushë të dielën”, ka shkruar Fabricio Biasin në llogarinë e tij zyrtare në “Twitter”.
© SYRI.net
Bëje LIKE dhe merr lajmin e fundit nga Sporti: