Tenistja kazake Elena Rybakina është fituesja e Wimbledonit të sivjetmë pasi mposhti në finale tunizianen Ons Jabeur (27) 3:6, 6:2, 6:2.

Rybakina triumfoi 2-1 me sete ndaj Jabeur. Kazakja e lindur në Moskë shkëlqeu në dy setet e fundit, në ndeshjen që zgjati 1 orë e 51 minuta.

Për 23-vjeçaren ky është titulli i parë i fituar në një Grand-Slam. Elena gjithashtu u bë lojtarja e parë nga Kazakistani që fitoi një titull Grand Slam.