Fermerët në fshatin Suk në Fier janë drejt braktisjes së serave. Shkak për këtë është bërë mungesa e fuqisë punëtore, por edhe çmimet e ulëta të perimeve. Sipas fermerëve ata nuk kanë marrë subvencione, teksa theksojnë se me çmimin që aktualisht shesin domatet dhe trangullin nuk mbulojnë as shpenzimet e tyre
Nga SYRI TV
Mungesa e fuqisë punëtore, por edhe çmimi i ulët në treg i domateve dhe trangullit i ka dekurajuar fermerët e fshatit Suk në Fier, të cilët janë detyruar të braktisin serat. Ata shprehen se kanë mungesë tregu për perimet që ata kultivojnë, teksa theksojnë se mos marrja e subvencioneve i nxjerr ata me humbje, madje nuk mbulojnë as shpenzimet e tyre.
Edhe pse punëtorët paguhen me 2500 deri 3000 lekë për 8 orë pune, fuqia punëtore mungon, afro 80% e të rinjve të fshatit kanë shkuar në emigracion sikundër edhe fermerët gjithashtu sepse çdo gjë del me humbje.
Ndërkohë në ditët e fundit në pikat e grumbullimit ka rënë ndjeshëm çmimi i shitjes së domateve dhe trangullit me 50%. Domatja shitej me 80 deri 100 lekë kg ndërsa sot 40 deri 50 lekë kg, trangulli nga 80 lekë kg ne 30 lekë kg për shitjen me shumicë.
Gazetar: Xh.Beharaj
Operator: A. Mara
Montazhi:L. Kotri
© SYRI.net