Banorë të fshatit Mezhgoran protestuan kundër ndërtimit të një ujësjellësi, i cili u merr ujin e burimit të fshatit për të furnizuar dy zona të tjera rurale. Banorët i kërkojnë kryetarit të bashkisë Tërmet Peçi të heq dorë nga ky projekt.

Nga SYRI TV

Dhjetëra banorë të fshatit Mezhgoran në Tepelenë, protestuan kundër ndërtimit të një ujësjellësi, i cili u merr ujin e burimit të fshatit për të furnizuar me ujë fshatrat Luadhin dhe Peshtan.

Banorët kundërshtojnë projektin e bashkisë së drejtuar nga Tërmet Peçi, duke u shprehur se fshati Mezhgoran është pa ujë.

Banorët i kanë drejtuar një peticion kryetarit të bashkisë, duke i kërkuar të heq dorë nga marrja e ujit të fshatit, ndërsa theksojnë gjithashtu, se Mezhgorani prej 30 vjetësh nuk ka asnjë investim në infrastrukturë.