Banorët e pallatit 145 në Lezhë çdo ditë po përballen me problemin e ujërave të zeza dhe shprehen se shëndeti i tyre rrezikohet nga infeksionet e mundshme nga ndotja. Edhe pse banorët janë ankuar shpesh në bashkinë e Lezhës, ata nuk kanë marrë asnjë zgjidhje, vëren gazetari Martin Marku.
Nga SYRI TV
Ujerat e zeza në hyrje të pallati 145 pranë bulevardit “Gjergj Fishta” në Lezhë, janë kthyer në kërcenim serioz për shëndetin e banorëve. Ata shprehen se janë ankuar në bashki, por nuk u është dhënë asnjë zgjidhje.
Banorët thonë se gjatë verës situata bëhet me shqetësuese, ku për shkak të erës së rëndë, nuk i hapin dot dyert dhe dritaret.
Ata apelojnë që bashkia e Lezhës së bashku me Ujësjellës-Kanalizimet ta zgjidhin këtë situatë, pasi shëndeti i tyre është tejet i rrezikuar.
Problemi i ujërave të zeza në këtë lagje, sipas banorëve, vijon prej vitesh dhe institucionet nuk marrin masa për pastrimin e zonës, pavarësisht se paguajnë taksa.
© SYRI.net