Rruga që lidh fshatrat Tresh, Markatomaj dhe Spiten është degraduar duke u bërë e pakalueshme për mjetet e vogla. Banorët e këtyre fshatrave, që merren kryesisht me bujqësi, thonë se rruga po i penalizon të dalin në treg për të shitur produktetet e tyre.
Nga Syri Tv
Degradimi i segmentit rrugor prej 3 km ka penalizuar banorët e tre fshatrave për tu lidhur me autostradën Lezhë-Laç.
Shenjat e asfaltit duken shumë pak, ndërsa gropat e medha, kanë sjellë jo pak vështirësi për banorët e kësaj zone, që jetesën e tyre e kanë të lidhur me bujqësi. Por amortizimi i rrugës ka penalizuar fermerët të dalin në treg për të shitur prodhimet e tyre.
Banorët kërkojnë dërhyrje sa më të shpejtë për asfaltimin e kësaj rruge, pasi ky segment është një arterie e rëndësishme.
Ata u bëjnë thirrje instancave përkatëse që të marrin masa dhe të investojnë në rehabilitimin e kësaj rruge dhe të mos i mashtrojnë në kohë fushatash, pasi sipas tyre është shumë problematike dhe ua vështirëson lëvizjen në çdo stinë.
© SYRI.net