Kryeministri Edi Rama ka vizituar ditën e sotme Familjen Matera në fshatin Lagja e Re në Ndroq.  Banesat në këtë fshat janë dëmtuar në tërmetin e parë të datës 21 shtator teksa i dyti i datës 26 nëntor i nxori të pabanueshme.

Gjatë takimit kreu i qeverisë ishte së bashku me kryebashkiakun Erion Veliaj dhe kanë premtuar rindërtimin e banesave  të dëmtuara nga tërmeti.

Syri Tv ka udhëtuar drejt fshatit Lagja e Re për të parë më nga afër problematikën e banorëve.

E moshuara jeton në shtepinë e dëmtuar dhe mes lotësh ngre zerin për një çadër të cilën instancat nuk ia kanë siguruar.

Teksa vazhdojmë në lagjen e fshatit për të hedhur drite mbi çdo banesë të demtuar të terheq vëmendjen se gati çdo banesë ka një çadër një zgjidhje e përkohshme por në kushtet atmosferike që ndodhemi vështirëson jetesën e banorëve

Ata shprehen se shtëpia ishte e vetmja pasuri e tyre  e mbetur pasi me pensionet vetëm barnat mund të blejnë. Për mos menduar për rindërtimin e banesave buxhetin e familjeve pasi është i pamundur.

 Gra burra femijë dhe gra shtatzana që përtej frikës tashme i tremb e ardhmja pasi duhet të mendojnë për një strehë të sigurt dhe të ngrohtë për familjen.

Ndihma e vetme që këta banorë kanë marrë janë çadrat e siguruara nga bashkia, të cilat pas më shumë se dy muajsh përdorim janë duke u amortizuar dhe nuk sigurojnë më mbrojtje.