Ditën e nesërme nga besimtarët myslimanë do të festohet “Kurban Bajrami”, një ditë kjo që shoqërohet me gosti të bollshme. Por duket se mijëra besimtarë shqiptarë të kësaj feje në Kosovë, kanë zgjedhur që këtë vit “Kurban Bajramin” ta festojnë ndryshe, duke preferua bregdetin shqiptarë. Mësohet se me këtë rast, duke nisur që nga mëngjes i  sotëm, në pikën doganore të Morinës ka pasur dhe vazhdon një fluks teje i madh i mjeteve të shtetasve të Kosovës, të cilët hyjnë në Shqipëri me destinacion bregdetin dhe festimin e “Kurban Bajramit”.

Bëhet e ditur, se duke nisur që nga ora 05:00 e mëngjesit të kësaj të shtune, për pak orë kanë hyrë 2463 mjete me 12486 shtetas. Përballë këtij fluksi të jashtëzakonshëm,  policia kufitare e Morinës ka operuar me procedurë të përshpejtuar.