'Diploma pa të ardhme', studentët mesazh Ramës, hedhin kapelet në shesh në shenjë proteste

Në protestën e 47-të radhazi kundër qeverisë së kryeministrit Edi Rama, disa studentë zgjodhën të përcjellin një mesazh simbolik përmes një aksioni të veçantë.

Të veshur me uniforma diplomimi dhe me pankarta në duar, studentët hodhën kapelet e diplomimit në shesh, duke e shoqëruar këtë veprim me një mesazh ndaj qeverisë për mungesën e mundësive për të rinjtë.

Largimi i të rinjve nga Shqipëria lidhet me mungesën e vendeve të punës dhe pamundësinë për të ndërtuar një jetë dinjitoze në vend. Përmes këtij simboli, ata treguan se politika aktuale po i detyron të rinjtë të kërkojnë të ardhmen jashtë Shqipërisë.