Një aktivist shqiptar që jeton në Gjermani deklaroi gjatë protestës së zhvilluar para Kryeministrisë se policia duhet të fokusohet te personat që ai i cilësoi si përgjegjës, duke pretenduar se ata ndodhen brenda institucioneve dhe jo mes protestuesve.

Gjatë fjalës së tij nga podiumi i vendosur para Kryeministrisë, aktivisti tha se qytetarët që protestojnë në mënyrë paqësore nuk duhet të trajtohen si fajtorë, ndërsa kritikoi mënyrën e reagimit të policisë.

“Sot u zgjova në orën 10 në Mynih dhe pashë protestues që tërhiqeshin zvarrë sepse protestuan paqësisht. Policia duhet të kuptojë se kriminelët janë brenda zyrës së Kryeministrisë dhe jo duke protestuar”, u shpreh ai.

Aktivisti foli edhe për një aksident që e cilësoi si “tragjedi kombëtare”, duke thënë se sipas tij vëmendja e institucioneve është përqendruar te protestuesit dhe jo te përgjegjësit.

Aksidenti është tragjedi kombëtare, ndërsa policia është më e impenjaur me protestuesit. Kriminelët që ulen në tavolinën e Këshillit të Ministrave edhe po i kërkon mes nesh.

Erion Veliaj, Olta Xhaçka, Vangjush Dako, Jurgis Çyrbja, Sajmir Tahir etj.

“Meqë policia e di se protesta vetëm njoftohet, unë po them se sonte nuk do të ndahem nga shkallët e Kryeministrisë. Kush të dojë, le të bashkohet”, deklaroi aktivisti.