Kreu i opozitës shqiptare, Sali Berisha, publikoi një deklaratë të Partisë Demokratike, e cila reagon pas vendimit të Gjykatës Ndërkombëtare Penale në Hagë për të lëshuar një urdhër-arresti për presidentin rus, Vladimir Putin.

POSTIMI I PLOTE

Deklaratë e Partisë Demokratike!

Partia Demokratike përshëndet vendimin e Gjykatës Ndërkombëtare për arrestimin e Vladimir Putinit.

Vendimi i Gjykatës Ndërkombëtare për arrestimin dhe ndjekjen penale të Vladimir Putinit, për barbaritë e kryera nga trupat pushtuese ruse ndaj kombit të lirë dhe të pavarur ukrainas është vendim historik për tu përshëndetur.

Pavarësisht nga reagimet e papërgjegjshme të autoriteteve ruse ndaj këtij vendimi të drejtë, Putin duhet ta dijë se drejtësia vonon, por nuk harron!