Erisa Xhixho, e cila një ditë më parë u zgjodh nga Konventa e PL-së, si zv.Presidente e kësaj partie, ka reaguar përmes një postimi në rrjetet sociale, ndërsa shpreh mirënjohjen ndaj delegatëve, të cilët i konsideron si forcën reale të Partisë së Lirisë.
“Vota juaj është vlerësimi më i madh për kontributin tim prej gati 20 vitesh në këtë parti.
Jam e bindur se fryma që na mblodhi dje të gjithë bashkë do të na udhëheqë në betejat e ardhshme politike përballë një regjimi të korruptuar e mafioz”, shkruan Xhixho.
Postimi nga Erisa Xhixho
Mirënjohje delegatëve të Partisë së Lirisë për pjesëmarrjen e jashtëzakonshme në Konventën Kombëtare. 🇦🇱
Falënderime për qindra të rinj e të reja, pensionistë e prindër me fëmijë, të ftuar që udhëtuan drejt Tiranës që në orët e para të mëngjesit nga skajet më të largëta të Shqipërisë, e mijëra të tjerë që na ndoqën përmes ekraneve dhe platformave online.
Forca e Partisë së Lirisë janë pikërisht ata! ❤️
Mirënjohje që më besuan me votë detyrën e rëndësishme të zv.presidentes së Partisë së Lirisë. 🙏
Vota juaj është vlerësimi më i madh për kontributin tim prej gati 20 vitesh në këtë parti.
Jam e bindur se fryma që na mblodhi dje të gjithë bashkë do të na udhëheqë në betejat e ardhshme politike përballë një regjimi të korruptuar e mafioz.
Plani me pesë prioritete për “Shqipërinë – 4 milionë shqiptarë” është misioni im më i ri. 🇦🇱
Bashkë do ta bëjmë realitet! 🤝❤️
© SYRI.net