Ndërhyrjet e ambasadores së SHBA, Yuri Kim, në çështjet e brendshme në Shqipëri dhe ndikimi në drejtësi është bërë temë diskutimesh edhe në Parlamentin e Australisë së largët. Senatori i njohur australian, Jonathon Duniam, ka kritikuar ashpër ambasadoren amerikane në Shqipëri, Yuri Kim, duke pohuar se ambasadorja po e tërheq vendin në të shkuarën. Senatori ka deklaruar se sjelljet e ambasadores sipas tij janë të papranueshme për një diplomate, duke ngritur dyshime se është e pandershme.
Nga SYRI TV
Ndërhyrjet e shpeshta të ambasadores amerikane Yuri Kim në jetën e partive politike, në zgjedhje dhe madje në sistemin e drejtësisë, kanë tërhequr vëmendjen dhe të parlamentit te Australisë. Senatori i njohur australian, Jonathon Duniam, kritikoi ashpër sjelljen e ambasadores së SHBA-së në Shqipëri, Yuri Kim, duke thënë se po mban qëndrimet e saj personale dhe jo të shtetit që përfaqëson. Senatori australian deklaroi se ndërhyrjet e ambasadores po e tërheqin Shqipërinë në të shkuarën.
Më tej, Duniam, i cili e njihte me detaje situatën në Shqipëri, komentoi edhe deklaratat e ambasadores amerikane në Twitter, e cila vazhdimisht i adresohet gjyqtarëve dhe prokurorëve, duke ngritur dyshime të forta për integritetin e Yuri Kim.
Senatori australian solli në vëmendje edhe deklaratat e ambasadores franceze në Shqipëri, e cila deklaroi më herët se nuk u takon ambasadoreve të vendosin për Shqipërinë, duke ilustruar kështu sjelljet e paprecedenta të ambasadores amerikane Yuri Kim, e cila në mijëra raste ka ndërhyrë në punët e brendshme të një vendi tjetër.
© SYRI.net