Tre draftin për ndryshimet kushtetuese të depozituar në Kuvend nga Partisë Demokratike, për Arben Ristanin kanë dobësi të mëdha juridike.

Në emisionin “Spotlight” në “Vizion Plus”, Ristani u shpreh se Kushtetuta është shndërruar në një copë letër, të cilën mund ta ndryshojnë sipas dëshirës dhe për interesa momentale.

“Kushtetuta është themeli i shtetit. Që të bësh një ligj, siç është Kushtetuta, që t’i rezistosh kohës, kërkon burra shteti, njerëz që punojnë për interesat edhe të brezave pas tyre. Kushtetutën e kanë bërë një copë letër, të cilën mund ta ndërrojnë për pak minuta, kur iu do qejfi. Në themel, kjo e gjitha tregon mungesën e burrave të shtetit, mungesën e vizionit se si duhet konsoliduar shtetit në Shqipëri”, deklaroi ai.