Pesë persona janë arrestuar në rrugën “Luan Haradinaj” në Prishtinë, pasi të njëjtit pas një mosmarrëveshje në mes veti janë përfshirë në një përleshje fizike, njofton Policia e Kosovës.
“Janë arrestuar pesë të dyshuar meshkuj kosovarë për shkak se pas një mosmarrëveshje janë përfshirë në një përleshje fizike ndërmjet tyre dhe si pasojë e lëndimeve të pësuara të gjithë të dyshuarit kanë pranuar trajtim mjekësor. Dy prej të dyshuarve dyshohet kanë marrë plagë nga mjeti i mprehtë thikë”, thuhet në raportin 24 orësh të Policisë.
Bëhet e ditur se me vendim të prokurorit të çështjes, të gjithë të dyshuarit janë dërguar në paraburgim.
© SYRI.net