Një ngjarje e rëndë ka ndodhur në fshatin Çarçovë në Përmet. Një masiv shkëmbor ka rrëshqitur nga mali dhe ka rënë mbi një banesë, duke bllokuar një 25-vjeçar.
Siç shihet edhe nga fotot e siguruara nga SYRI TV, i riu Dhimitër Vangjeli ka qenë i shtrirë në krevat, kur shkëmbi ka rënë mbi banesën e tij dhe i ka zënë këmbët.
Ai ka mbetur i bllokuar dhe kanë qenë forcat efektive dhe zjarrfikësit që kanë bërë të mundur nxjerrjen e ti. I riu është dërguar me urgjencë në spital, ndërsa ende nuk dihet gjendja e tij shëndetësore.
“Mëngjesin e sotëm, në fshatin Çarçovë, një masë shkëmbore ka rrëshqitur nga mali dhe ka rënë në banesën e shtetasit Dhimitër Vangjeli, 25 vjeç. Si pasojë, ka mbetur i bllokuar në banesë, 25-vjeçari, të cilit një pjesë e masës shkëmbore i ka zënë gjymtyrët e poshtme dhe i ka pamundësuar lëvizjen”, njofton policia.
Në foto duken edhe policët që kanë shkuar në ndihmë të të riut, i cili mbeti i bllokuar për rreth 3 orë. Shkëmbi ka rënë mbi çati dhe më pas ka zënë 25-vjeçarin.
25-vjeçari Dhimitër Vangjeli është nxjerrë nga banesa dhe është dërguar me urgjencë në spital, ndërsa nuk dihet gjendja e tij shëndetësore.
© SYRI.net