Një vrasje me armë zjarri ndodhi mesditën e sotme në Lezhë.

Vrasja ka ndodhur në fshatin Manati të Lezhë dhe viktima është Lekë Lekëgjonaj, rreth 65 vjeç.

Nga të dhënat paraprake dyshohet se bëhet fjalë për vrasje për shkak të gjakmarrjes. Pas krimit, autori 17-vjeçar Florian Përvathi është dorëzuar në polici.

Vëllai i viktimës i ka vrarë babain autorit të ngjarjes.

Kjo është vrasja e radhës në Lezhë, qytet i cili është duke u përballur me nivele të larta të kriminalitetit gjatë muajve të fundit.