Katër shqiptarë u dënuan me 30 muaj burg në Belgjikë pasi kishin ngritur një plantacion kanabisi ngjitur me një shkollë.
Plantacioni u zbulua në fund të vitit të shkuar, pas një kontrolli policor. Blutë kishin marrë informacion nga banorët e zonës se në një shtëpi mund të kultivohej kanabis, pasi vinte era.
Policia gjeti plot 541 bimë të rritura kanabisi. Përveç kësaj, energjia elektrike vidhej për të mundësuar rritjen e drogës.
Në plantacion policia gjeti një person, të quajtur Shefki S. Po ashtu u gjetën edhe gjurmët e djalit të tij, Renato S. Ky i fundit është shpallur në kërkim ndërkombëtar dhe nuk është arrestuar ende.
Policia arrestoi edhe Barije A, pronaren e banesës dhe një punonjës tjetër të plantacionit, të quajtur Ruzhdi H.
© SYRI.net