Manchester United fitoi me rezultatin minimal 1: 0 në transfertë Wolverhampton në ndeshjen e javës së tretë në Premier League.
“Djajtë e Kuq” nuk zhvilluan një ndeshje të shkëlqyer, por për fat të mirë arritën të “rrëmbenin” tri pikët në fund.
Francisco Trincao humbi një mundësi të jashtëzakonshme në minutën e gjashtë për ekipin vendas. Ai kaloi portierin David De Gea, por gjuajtja e tij u ndaj nga Aaron Wan-Bissaka në vijën fatale.
Mundësitë për ekipin vendas u shtuan, por Joao Moutinho dhe Romain Saiss ishin të pasaktë në pjesën e parë. Nga ana tjetër, goli i Bruno Fernandes u anulua nga arbitri për pozicion jashtë loje në minutën e 38 -të.
Në minutën e 70 -të De Gea bëri dy pritje të jashtëzakonshme, duke u bërë heroi absolut i fitores së United. Pas goditjes nga këndi, gardiani spanjoll bëri dy pritje spaktakolare, duke mbajtur portën të pa prekur.
Nëse nuk shënon do të pësosh! E në këtë sfidë kjo shprehje vlen shumë, pasi futbollisti 19 vjeçar, Mason Greenwood realizoi në minutën e 80-të dhe i dha fitoren skuadrës së tij.
Me golin e realizuar ndaj Wolves, Greenwood hyri në histori, pasi u bë adoleshenti i katërt që shënon 20 apo më shumë gola në Premier League. Kjo gjë u bë më parë nga Robbie Fowler, Wayne Rooney dhe Michael Owen.
Me këtë triumf, United shkoi në kuotën e 7 pikëve, ndërsa Wolverhampton mbetet pa pikë pas 3 ndeshjeve të luajtura.
© SYRI.net
Bilanci i pabesueshëm, Guardiola fiton një trofe çdo 23 ndeshje
Interi merr trofeun e Serie A para tifozëveInteri merr trofeun e Serie A para tifozëveBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
