Emilija Rexhepi është zgjedhur nënkrytare e Kuvendit të Kosovës gjatë seancës të së martës, kur u zgjodh edhe Dimal Basha Kryeparlamentar. Pas zgjedhjes, ajo doli me një postim në Facebook, ku falenderoi deputetët që e votuan, përfshirë edhe ata të LDK’së.
Por, sot deputetë të kësaj partie, kanë deklaruar se vota e tyre për Rexhepin ka qenë gabim teknik, shkruan Reporteri.net.
Nënkryetarja e LDK’së, Hykmete Bajrami, ka thënë se kanë votuar aksidentalisht, meqë kanë menduar se po votohen nënkryetarët si pako.
“E kemi pranuar, ka qenë një shkarje sepse nuk e kemi ditur që po bëhet ndarja. Ka qenë ѯështje e sekondave. Aksidentalisht e kemi votuar”, tha Bajrami, pas seancës.
Edhe deputeti tjetër i LDK’së, Arben Gashi, tha se ka qenë gabim votimi i tyre.
“Ai ishte një veprim që nuk ka qenë i parashikuar, dhe me sa kuptova, thjesht ka qenë një gabim teknik, sepse nuk ka dashur të marrë pjesë, meqë nuk e ka pritur që po ndodh diçka e tillë, për mendimin tim, ishte një gabim teknik”, ka thënë Gashi, para seancës së sotme”, ka thënë Gashi.
Nënkryetari nga komuniteti serb ende nuk është zgjedhur, por pavarësisht kësaj Kryeparlamentari Basha e ka cilësuar si të përmbyllur seancën konstituive.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Kreu i Degës së Ferizajt mbështet Abdixhikun mes kërkesave për dorëheqje: Po duan ta dëmtojnë LDK’në nga brenda
Live - Protesta nuk ndalet: Rama jepe dorëheqjen 
Diaspora paralajmëron protestë më 4 korrik në Tiranë