Eugen Cakolli: Seanca konstituive nuk mund të përmbyllet pa zgjedhjen e të gjithë nënkryetarëve

Eksperti i çështjeve zgjedhore, Eugen Cakolli, ka reaguar pas zhvillimeve të fundit në Kuvend, duke thënë se seanca konstituive nuk mund të konsiderohet e përmbyllur pa zgjedhjen e të gjithë nënkryetarëve.

Sipas tij, konstatimet e kryetarit Dimal Basha se Kuvendi është i konstituar “nuk kanë asnjë vlerë juridike” dhe ky “non-sens politik” tashmë mund të zgjidhet vetëm nga Gjykata Kushtetuese.

“Gjykata duhet të konstatojë dështimin e konstituimit të Kuvendit brenda afatit 30-ditor, ose të shpallë të pavlefshme dhe të përsëritet procedura e votimit për nënkryetarët e komuniteteve”, ka theksuar Cakolli.

Ai shtoi se edhe një herë tjetër u dëshmua se deputetët e kësaj legjislature nuk e meritojnë as pozitën, as funksionet që mbajnë, ndërsa qytetarët nuk e meritojnë një Kuvend kaq absurd.

© SYRI.net

Lexo edhe:

• Kreu i Degës së Ferizajt mbështet Abdixhikun mes kërkesave për dorëheqje: Po duan ta dëmtojnë LDK’në nga brenda
• Live - Protesta nuk ndalet: Rama jepe dorëheqjen
• Diaspora paralajmëron protestë më 4 korrik në Tiranë