Statovci: Problemet e Mati 1 do të marrin zgjidhje pas 12 tetorit

Kandidatja për kryetare të Prishtinës nga lista GUXO, Jeta Statovci, është takuar me Këshillin e Qytetarëve të lagjes Mati 1, ku diskutoi për sfidat me të cilat përballen banorët e kësaj lagjeje të mbipopulluar.

Statovci tha se mungesa e planifikimit nga komuna ka sjellë probleme serioze si mungesë hapësirash të gjelbra, parkingjesh, çerdhesh publike, menaxhim të dobët të mbeturinave dhe kushte jo të mira për nxënësit. Ajo veçoi shkollën e papërfunduar tash e katër vite dhe rrjetin gjysmak të ngrohjes nga “Termokos”.

“Pas 12 tetorit, angazhimi ynë do të jetë i qartë – këto probleme duhet të marrin zgjidhje,” tha Statovci, duke theksuar se bashkëpunimi i ngushtë me banorët dhe kryesinë e lagjes do të jetë prioritet.

© SYRI.net

Lexo edhe:

• Kreu i Degës së Ferizajt mbështet Abdixhikun mes kërkesave për dorëheqje: Po duan ta dëmtojnë LDK’në nga brenda
• Live - Protesta nuk ndalet: Rama jepe dorëheqjen
• Diaspora paralajmëron protestë më 4 korrik në Tiranë