Kryetari i Prishtinës, Përparim Rama, ka reaguar pas dorëheqjes së Liburn Aliut nga posti i ministrit të Infrastrukturës, duke shprehur mirënjohjen e tij për bashkëpunimin e deritanishëm.
Rama vlerësoi lartë korrektësinë dhe angazhimin e Aliut gjatë kohës sa ishte ministër, duke theksuar se largimi i tij nuk është vetëm humbje për institucionet, por edhe për të gjithë ata që besojnë tek puna dhe idealet e shërbimit publik.
“Dua t’i shpreh mirënjohjen time më të thellë Liburn Aliut, për bashkëpunimin e shkëlqyer dhe korrektësinë që tregoi gjatë gjithë kohës sa ishte Ministër i Infrastrukturës në raport me mua si Kryetar i Kryeqytetit. Largimi i tij nuk është vetëm një humbje për institucionet, por për të gjithë ne që besojmë tek puna dhe idealet e larta të shërbimit publik,” ka shkruar Rama.
Ai gjithashtu i uroi suksese Aliut në hapat e tij të ardhshëm, duke e falënderuar për kontributin e çmuar në zhvillimin e kryeqytetit dhe në forcimin e unitetit qytetar e kombëtar.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Kreu i Degës së Ferizajt mbështet Abdixhikun mes kërkesave për dorëheqje: Po duan ta dëmtojnë LDK’në nga brenda
Live - Protesta nuk ndalet: Rama jepe dorëheqjen 
Diaspora paralajmëron protestë më 4 korrik në Tiranë