Kryetari i PDK-së, Memli Krasniqi, tha se para votimit të sotëm partia e tij ka kërkuar zyrtarisht një konsultim 10-minutësh, njësoj si në seancën e kaluar. Ai bëri të ditur se kërkesa është drejtuar për t’u takuar me grupet parlamentare, në mënyrë që të sigurohen se Lëvizja Vetëvendosje është e vendosur në qëndrimin e saj për kandidatin e propozuar.
Sipas Krasniqit, mënyra e befasishme se si VV ka propozuar kandidaturën e Dimal Bashës, ishte një taktizim për të testuar qëndrimin e ish-opozitës.
Ai përsëriti se PDK mbetet besnike qëndrimit për të mos votuar një kandidat që ka qenë pjesë e ekzekutivit.
“Kërkesa për konsultë është bërë për t’i thënë Vetëvendosjes: a jeni të sigurt që po vendosni një kandidat që nuk i plotëson kriteret? Megjithatë, nëse VV konsideron se Dimal Basha ose dikush i tillë është kandidati më i mirë për këtë pozitë, ne do ta votojmë, edhe pse nuk besojmë që një gjë e tillë qëndron”, deklaroi Krasniqi.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Kreu i Degës së Ferizajt mbështet Abdixhikun mes kërkesave për dorëheqje: Po duan ta dëmtojnë LDK’në nga brenda
Live - Protesta nuk ndalet: Rama jepe dorëheqjen 
Diaspora paralajmëron protestë më 4 korrik në Tiranë