Deputetja e Guxo-s, Jeta Statovci, ka reaguar ashpër ndaj qëndrimit të opozitës për mosvotimin e kryetarit të Kuvendit, duke e cilësuar këtë si bllokim të institucioneve dhe tentim për rikthim të pazareve politike.
“A e shihni sa bllof janë? Qëllimi i tyre është i qartë: bllokimi i institucioneve, por që rezultati i 9 shkurtit të vihet në tavolinë,” ka shkruar Statovci.
Ajo ka kujtuar se opozita fillimisht e ka kundërshtuar kandidaturën e Albulena Haxhiut, ndërsa më pas janë propozuar edhe katër emra të tjerë: Donika Gërvalla, Hekuran Murati, Arbërie Nagavci dhe Dimal Basha. “U refuzuan të gjithë,” ka thënë ajo, duke theksuar se edhe deputeti Basha, i cili nuk është pjesë e kabinetit qeveritar, nuk mori votat e opozitës.
“Ky nuk është opozitarizëm, është pengmarrje e shtetit. Është mentalitet i vjetër që e ka dëmtuar Kosovën për vite me radhë. Rezultatin e zgjedhjeve nuk e ndryshon askush tjetër, përveç popullit të Kosovës,” ka përfunduar Statovci.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Kreu i Degës së Ferizajt mbështet Abdixhikun mes kërkesave për dorëheqje: Po duan ta dëmtojnë LDK’në nga brenda
Live - Protesta nuk ndalet: Rama jepe dorëheqjen 
Diaspora paralajmëron protestë më 4 korrik në Tiranë