LBK kërkon nga veprime urgjente nga institucionet: Rrezikohen vendet e punës dhe e ardhmja e “Made in Kosova”

Lidhja e Bizneseve të Kosovës (LBK) ka kërkuar masa urgjente për parandalimin e vendimit të ZRrE-së lidhur me daljen në treg të hapur të bizneseve.

Lidhja e Bizneseve të Kosovës përmes një komunikate për media thotë gjendja e prodhuesve vendorë është bërë tepër e rëndë.

”Disa kompani tashmë kanë filluar të reduktojnë prodhimin, dhe çdo zvogëlim i prodhimit nënkupton rrezikim të vendeve të punës, humbje të tregjeve ekzistuese dhe dëmtim të imazhit të produkteve “Made in Kosova”.”, thuhet në komunikatë.

Sipas LBK-së një situatë e tillë, përveçse shkatërron prodhimin vendor, ndikon drejtpërdrejt edhe në mirëqenien e qytetarëve .

“Mbyllja ose dobësimi i bizneseve prodhuese nuk është vetëm problem i ndërmarrësve, por problem kombëtar që cenon ekonominë e vendit dhe të ardhmen e mijëra familjeve që jetojnë nga puna në sektorin e prodhimit.”, thuhet në njoftim

“Shoqata e Prodhueseve në kuadër të Lidhjes së Bizneseve të Kosovës është tepër e shqetësuar për këtë gjendje të rëndë me të cilën po përballen prodhuesit tanë. Ne kërkojmë nga institucionet e vendit që të reflektojnë urgjentisht, të ndalojnë presionin e panevojshëm ndaj prodhuesve dhe të ndërmarrin masa konkrete për të mbrojtur dhe përkrahur prodhimin vendor, si shtyllën kryesore të zhvillimit ekonomik të Kosovës.”, përfunon njoftimi.

© SYRI.net

Lexo edhe:

• Kreu i Degës së Ferizajt mbështet Abdixhikun mes kërkesave për dorëheqje: Po duan ta dëmtojnë LDK’në nga brenda
• Live - Protesta nuk ndalet: Rama jepe dorëheqjen
• Diaspora paralajmëron protestë më 4 korrik në Tiranë