Ministria e Punëve të Brendshme ka njoftuar se nga sot ka hyrë në fuqi marrëveshja për njohjen reciproke të patentëshoferëve mes Republikës së Kosovës dhe Italisë.
Kjo marrëveshje mundëson qytetarëve e Kosovës që jetojnë në Itali të konvertojnë patentëshoferët e tyre pa iu nënshtruar provimeve teorike apo praktike shtesë.
Sipas Ministrisë së Punëve të Brendshme, zbatimi i kësaj marrëveshjeje paraqet një hap të rëndësishëm drejt integrimit më të lehtë të qytetarëve kosovarë në Itali dhe lehtësimin e barrës ekonomike për ta.
“Njohja e patentëshoferëve u mundëson qytetarëve të bëjnë konvertimin e dokumenteve pa pasur nevojë të nënshtrohen procedurave shtesë, as nga pjesa teorike, as nga pjesa praktike. Zbatimi i kësaj marrëveshjeje është një hap i rëndësishëm drejt integrimit të qytetarëve të Kosovës që jetojnë në Republikën e Italisë.
Njëkohësisht, kjo marrëveshje do të lehtësojë barrën ekonomike për qytetarët që kanë nevojë ta ndërrojnë dokumentin. Finalizimi i këtij procesi është një hap i rëndësishëm për vendin tonë dhe qytetarët tanë, sepse me këtë rast do të riafirmohen raportet e shkëlqyera që gëzojnë Republika e Kosovës me Republikën e Italisë”, thuhet në njoftim
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Kreu i Degës së Ferizajt mbështet Abdixhikun mes kërkesave për dorëheqje: Po duan ta dëmtojnë LDK’në nga brenda
Live - Protesta nuk ndalet: Rama jepe dorëheqjen 
Diaspora paralajmëron protestë më 4 korrik në Tiranë